Read HOS%20Lauga%20Closing%20of%20Parliament%2025%20Jan%202011%20SAMOAN.pdf text version

1 LAUGA I LE FAATAAPEGA O LE PALEMENE TUI ATUA TUPUA TAMASESE TA'ISI AO O LE MALO Tiafau, 25 Ianuari 2011

Lau afioga a le Fofoga Fetalai,

Ma le agaga fiafia, ou te faia ai le lauga e tapunia ai le Palemene lona 14. E ao ona fai sina faamatalaga i galuega a le nofoaiga, faaopoopo i ai ma ni nai motugaafa, e faatupu manatu i le tofa ma le faautaga. E maeu le galuega a le Malo ma le Palemene i lenei lima (5) tausaga i le faaleleia o ala, fesootaiga ma fafo, atinae o vai, eletise, o fuafuaga e faalelei atili le pitolaau a le Malo ma le ,,aufaipisinisi, taaloga, ma le atinae o tagata tafafao mai fafo.

O le fuafuaga a le Malo ia tuufaatasi le Malo ma le kamupani a le Virgin Blue lea ua faaigoa nei o le Poly Blue, o se laveai ma se faaola totoga. Aua ua sei au ona avea le Polenisia ma avega mamafa i le Malo ma le atunuu. Nei, e le gata ua maua pasese taugofie ma ua toatele atu tagata e malaga i le va o Samoa, Niu Sila ma Ausetalia, a o le mea sili, ua maua tupe mam. Ma e oo foi i le Polenisia lea e feosofai i le vainuu o Samoa, o lea foi ua maua le tupe mam. E fia afea i se upu Taaloga a le Pasefika i le 2007. E maeu Fale Taalo ma Malae Taalo, e maeu le atinae o ,,au talavou ma taaloga. E maeu le siitia o le tulaga o taaloga i Samoa i pine ma ,,ai na maua i le tausinioga o Taaloga a le Pasefika. E maeu le tala lelei i le talimalo, ua tosina mai ai fia asiasi mai fafo. E maeu le faatua o le atinae o taaloga, aemaise lea ua toatele tama fanau ua iloga lo latou tomai i tausinioga o taaloga i fafo. Ma ua avea a latou tupe e maua mai i taaloga e faatina faalavelave o aiga, nuu, ekalesia ma le Malo. E maeu fale taalo ma malae taalo na fausia mo le Taaloga o le Pasefika o lea ua tosina mai ai taaloga a le lalolagi ma taaloga a le atu Pasefika e faaaog, ona e agavaa mo le faamoemoe.

2

E fia afea i se upu le vava i le suiga o le ituala e ai taavale. Sa umi ona avatu, aumai; sa alu solo tetee i le Palemene, sa fai faamasinoga. E maeu le alofa o le Atua aua o mea e tutupu e i ai ma lona aoga aog. Aua ua avea le faitio i faafitauli e ono tulai mai, ua matu mataalia ai le malo, le Ofisa o Galuega, le Ofisa o Femalagaiga ma le Ofisa o Leoleo, ina ia puipuimalu i ni faalavelave e ono aliali mai. ma ua avea le latou pulunaunau, ua oo ane ai le lagona i sa faatautee, e l malaese i latou ma i matou. Ua alo mai felagolagomai ma le Ofisa o le Malo, aemaise ai foi le taulalata mai i le Kerisimasi, ma ua faamalieloto ona ua faamaumauina ua faaitiitia faalavelave faafuasei e maliliu ai tagata. Po o ,,eseesega, ae a oo i ooooga, ona tatou manatua lea o le mau tuufaasolo, O Samoa e l o se malo, o le uso ma le aiga. E fia afea i se upu le Galulolo po o le Sunami o Setema 29, 2009. O le feau aupito i tua o le Sunami, ona ua faamaonia ma fai tino o le mau faavae a o tatou mtua, O l lave i tg, o le ivi, o le toto, o le aano. Po o fea lava o le lalolagi e i ai Samoa, aemaise faasino i aiga ma nuu na afaina i le Sunami, sa tilitili alualu mai. Aua e te l Samoa i le gafa, pe e te Samoa i le faalupega, e te Samoa i le alofa tulai i le taimi o faalavelave. E ui i le matuitui ma le tg, ae amuia fanau ua vaai i le tino o le alofa tulai, e ganea ai le tofi ma le faasinomaga.

A o ou i le mataupu o le Sunami, e fia afea i se upu Lologa o loo lofia ai nei Ausetalia. Ou te fia faaopoopo atu i le faamaisega a le alii Palemia i lou faapea atu i le Malo ma le atunuu o Ausetalia, o loo manatua outou i o matou mafaufauga ma talosaga. O loo matou manatua outou i lo tou lavelavet i Samoa i le Sunami. ma e matou te manatua outou i upu ua fai ma upusii mai le tusi a Thornton Wilder "The Bridge of San Luis Rey", e uiga i ni tagata se toalima na pa i le tof ina ua malepe le alalaupapa ma maliliu ai. Ua lata mai fo'i ona tatou feoti lea, ma o le a galo i i tatou le to'alima lenei, ma e oo fo'i i i tatou, e au fo'i ona alofagia i se taimi, ona galo lea. Ae ui i lea, ua faamalieina ona sa i ai le alofa. Ma, o lagona uma o le alofa, e toe fo'i i le alofa e afuamea. E l mana'omia fo'i e le alofa le manatua. E i ai le nuu o ola

3 ma le nuu o oti, ma o le alalaupapa e fesoota'i ai, o le alofa. Aua pau lea o le mea e tumau ma `anoa. O le isi feau tua o le Sunami, e le gata i le pale mai o atunuu o le Pasefika, ae faapea ai ma Malo ma tagata o le lalolagi. O se molimau lea, o i tatou uma o loo alala i le lalolagi, o le fanau a le Atua. Ou te fia tautala i faleaoga, vaa, uafu ma le tele o atinae ua faia e le Malo ae ua suatulia ina nei mea ane ua malo i la tou faalogo se lauga umi. Ma o le a ou taumafai e ,,otooto i se faaupuga faalauaitele. Fai mai le Lipoti a le Faletupe o Asia, i le faasoa, i le faatino, i le faataatia ma tulimatai o le tofa alualu mamao, ua avea lava Samoa ma taiala ma faataitaiga lelei i atunuu o le Pasefika. E faamaonia lenei mau i Lipoti a Ofisa o le Hai Komisi Ausetalia faapea ma le Ofisa o le Hai Komisi Niu Sila. E le se faaituau po o se upu avane ai le faapea atu: "Faamalo! Faafetai! Faaman! i le Palemia, le Kapeneta ma le Palemene. Ua malie mata i vaai! Ua malie taliga i faalogo! O le a taualuga le lauga i ni nai motugaafa. Lafo atu pea i lumamea. Afai e i ai se aog, ,,apo; afai e leai, lafoai. Ae avea o se faatupu manatu.

O le motugaafa muamua, o le va o le mau tuufaasolo po o le tu ma le aganuu, ma le mea ua i ai le soifuaga o tagata i lenei vaitau. Fai mai Hans Kung, "O le ,,auga o le mau a Kerisiano, e l faailoa mai i se taofi e faufaumamau ma taumamao mai tagata. Ae faailoa mai i se mau e fesuisuiai le faavae o lona talafaasolopito...o se faavae e faaauau ona fesuisuiai".

E faamaonia lenei mau e mau faavae a Samoa. Aua o le uiga o le tofa sa'ili, ona e leai se tagata e i ai le atoa, o lona uiga, o le galuega faaauau a le tagata, o le toe saili o le faafouina ma le toe fuataiina. Afai e toe faafouina, o le suiga; afai e toe fuataiina, o le

4 suiga. E faapea ai foi ma le mau, o le tofa fetla'i. E mfua ona fetlai ona e leai se mea e tumau. Afai e leai se mea e tumau, o lona uiga, o le galuega faaauau le tofa saili. E saili pe o malu le manuia o tagata, pe o malu le alofa o le Atua, pe o malu le amiotonu a le Atua, i suiga ia ua aliali mai. Aua afai e l o malu, e ao la ona fetlai le tofa.

O mea e tumau, o le alofa o le Atua, o le amiotonu o le Atua, ma le manuia o tagata. Ae l tumau se faavae faalemalo po o se aiaiga faalenuu po o se tu ma le aga pe afai ua avea suiga ua tulai mai, ua afaina ai le alofa o le Atua, le amiotonu o le Atua ma le manuia o tagata. O le motugaafa lona lua, o le faamautina o pulega amiotonu i malo faatemokarasi. Fai mai Tony Blair i lana tusi talu ai nei "A Journey", e l na o le sailiga o pulea faigamalo i faigapalota e moomia e faigamalo faatemokarasi. E moomia foi ni faiga faavae, ni tu ma ni aga, ni aiiga, e avanoa ai ona tupu ma ola le pulega faatemokarasi, e maualafia ai ona fesuisuiai ma faafouina pe a talafeagai ma suiga ua aliali mai. O faiga faavae ma tu ma aga ma aiiga, o mea faigaluega ia a le tofa saili, e faailoilo ai le alofa ma le amiotonu o le Atua, ma le manuia o tagata, ma faamautina ai i totonu o pulega malo. O le luitau lea mo soo se malo faatemokarasi. E l faigofie le soosooga o manuia e feteenai, e l faigofie foi le soosooga o mau e feteenai. A o le sooga lelei, o le faasinoala lena i atinae e solosolo manuia ma pulega malo e toafilemu. E leai se vave e utuvai tofo i le sailiga o le sooga lelei ma le paleni o mea, aua o le mataupu ,,aut lenei e tofotofoina ai le pulega lelei. E faasinoala i i tatou le Tusi Faitau Aso, aso 18 Ianuari 2011. O loo fesiligia e le ,,au Faresaio ia Keriso, pe aise e solia ai e lana ,,Au Soo le Sapati? Ae tali Iesu: "Tou te lei

5 faitau ea i Tavita ma ana paaga na atu i le malumalu o le Atua, ua latou aai i le areto faasina?" Ma ua ia fetalai atu, O le Sapati na faia mo le tagata, ae le'i faia le tagata mo le Sapati. Aua o le Tulafono, na faia mo le manuia o tagata. Ma afai ua afaina le manuia o tagata ona o le Tulafono, o lona uiga, ua le taunuu le mafuaaga o le Tulafono.

Mai le tala lenei, na faaosofia ai Peter.T.Forsyth e fautua mai i le Tusi Faitau Aso aso 18 Ianuari 2011: E ao ona tatou mafuta ma tagata ina ia tatou iloa ai o latou faafitauli. Ae ao ona tatou mafuta ma le Atua, ina ia tatou iloa ai fof o latou faafitauli.

O lona uiga o le fautuaga, e te maua le faafitauli i le mafuta ma tagata. Ae e te maua le fof i le mafuta ma le Atua. Ma le agaga faagaeetia, ou te faapea atu ai i le Palemene Nofoaiga 14, "Ua faamalo fai o le faiva!" Ae ou te faapea atu i le atunuu, "Ia manuia lo tou alofaiva i le Faigapalota!" Ma ou te faasilasila atu, ua faaiu aloaia nei le nofoaiga a le Palemene lona 14, o le Malo Tutoatasi o Samoa.

Soifua.

Information

5 pages

Report File (DMCA)

Our content is added by our users. We aim to remove reported files within 1 working day. Please use this link to notify us:

Report this file as copyright or inappropriate

70135


You might also be interested in

BETA
untitled