Read Reportage_korto_di_kongreso_PS_2010.pdf text version

Partido Pueblo Soberano tin su direktiva nobo

Miembronan nobo pa direktiva di partido Pueblo Soberano. Sinta d.r.p.d Sra. Numidia Mercelina, Sr. Lionel Jansen Sr. Franklin Elstak, Sra. Sislyn Jonis Daantje, para d.r.p.d Sr. Otmar Willems, Jose v/d WallArnemann, Sr. Ludwin Margarita, Sra. Jeanne van Hoop i Sra. Ingrid Sanchez.

Riba dianan 26 i 27 di novèmber último, durante di e segundo kongreso statutario di partido Pueblo Soberano,miembro nan a eligí nan direktiva nobo. E kongreso a hiba di tema " E proseso konstituyente, komo fundeshi di un pais nobo". Komo orador prinsipal di e promé dia di e kongreso, kual a kuminsá pa 7 or di anochi, a hiba palabra Drs. Franklin Quirindongo. Den su diskurso Drs. Quirindongo a elaborá riba algun aspekto di e "Areglo di Estado di Pueblo Soberano, den kuadro di Pais Kòrsou rumbo pa soberania". E di dos dia di kongreso a habri ku instalashon di diferente komishon ku mester asistí direktiva den su tareanan diario. Entre otro komishon di mobilisashon, fondo,formashon,hóben soberano i adulto mayor

Riba e segundo dia tambe Mr. Anthony Eustatius a presentá komo orador i su diskurso a hiba di tema " Un pais na kaminda ". Miembronan ku tabata tin e derechi di voto a hasi esaki durante di e di dos dia di e kongreso. Sr. Kamacho Andrade tabata e presidènt di e komishon elektoral ku na su turno a supervisá e elekshon. Pa mas o ménos mitar di kuater atardi e resultado a bira konosí. E direktiva ta konsistí di nuebe miembro. Komo presidènt nobo pa direktiva di Pueblo Soberano a keda eligi Sr. Lionel "Layo"Jansen. Sr. Jansen ta un di e sostenedó an di partido di primera ora i tabata vise presidènt di e direktiva saliente. Sr. Franklin "Max" Elstak a resultá e vise presidènt miéntras Sra. Numidia Mercelina i Sislyn Jonis-Daantje a ser eligí komo sekretario i tesorero respektivamente. Demas miembronan eligí pa direktiva ta, Jeanne van Hoop, Ludwin "Wini" Margarita, Otmar" Otti" Willems,Ingrid Sanchez i Jose v/de Wall-Arnemann. E presidènt saliente Sr. Helmin Wiels no a postulá su mes pa ser reeligí, pa asina tin sufisientemente tempu pa por dediká na su tareanan komo lider polítiko di partido. Den su último diskurso komo presidènt, Sr. Helmin Wiels a enfatisá ku e direktiva nobo tin e tarea pa sigui eduká i traha mas duru paso e organisashon a bira grandi. Mas aleu Sr. Wiels a enfatisá ku e trabou ta programá kaba, i ningun hende no por kambia e trabou ku Pueblo Soberano a bin pa hasi pa nos pais. Komo miembro di direktiva bo ta simplemente un instrumento pa logra e trabou aki. Sr. Wiels a terminá deseando e direktiva nobo éksito i ku nan por konta ku su sosten.

Information

2 pages

Report File (DMCA)

Our content is added by our users. We aim to remove reported files within 1 working day. Please use this link to notify us:

Report this file as copyright or inappropriate

111053